Jeshi la Zimamoto na Uokoaji Tanzania Bara

Blog Timeline Right Bar

Kamishna Jenerali wa Jeshi la Zimamoto na Uokoaji Nchini – Thobias Andengenye anasikitika kutangaza kifo cha aliyekuwa Kamishna Mstaafu wa Operesheni wa Jeshi la Zimamoto na Uokoaji CF (OPS) Rogatius Peter Kipali, kilichotokea mapema leo Semptemba 7, 2017 akiwa nyumbani kwake Mombasa, Ukonga jijini Dar es Salaam.

Kamishna Jenerali wa Jeshi la Zimamoto na Uokoaji anatoa pole kwa Maafisa, Askari na Watumishi wote wa Jeshi la Zimamoto na Uokoaji Nchini, familia ya Marehemu na wale wote walioguswa na msiba huu kwa namna tofauti tofauti.

Jeshi la Zimamoto na Uokoaji kwa kushirikiana na familia ya Marehemu linaendelea kuratibu shughuli za msiba huo na taarifa za Mazishi zitatolewa baadaye baada ya taratibu zote kukamilika.

 

Mwenyezi Mungu ailaze roho ya Marehemu mahali pema peponi

Amina.

 

 IMEANDALIWA NA KITENGO CHA HABARI NA ELIMU KWA UMMA-JESHI LA ZIMAMOTO NA UOKOAJI

 

Watu wengi wamekuwa wakikuta na kuvipita vifaa mithili ya mabomba ya kutoa maji pembezoni mwa barabara, maeneo yenye mkusanyiko mkubwa wa watu, viwanja vya ndege au viwanja vya michezo bila kufahamu vinafanya kazi gani.

Wengine hudhani ni mapambo ya barabara au alama Fulani kwenye maeneo hayo, ambapo baadhi yao hudiriki kuyatumia kinyume na kazi yake kutokana na kutotambua matumizi yake.

Mabomba haya (fire hydrants) sio mapambo bali ni mfumo uliounganishwa na mabomba makubwa ya maji, na kuwa visima vya maji ambapo gari la Zimamoto huchukua maji. Visima hivi vimejengwa makusudi kwa ajili ya kulirahisishia Jeshi la Zimamoto na Uokoaji kukabiliana na majanga ya moto pindi yanapotokea.

Mabomba hayo (Fire Hydrant) yana msukumo mkubwa wa maji na kusababisha maji yatoke kwa wingi na kwamuda mfupi. Uwepo wa vifaa hivyo sehemu mbalimbali za makazi ya watu na maeneo mengineyo hurahisisha zoezi zima la uzimaji moto, kwani pindi gari la kuzima moto linapoishiwa maji hujazwa hapohapo badala ya kuyafuata mbali na eneo la tukio.

Kwa kawaida magari ya zimamoto yana ujazo tofauti wa maji kuanzia lita 2000 hadi lita 16,000 ambapo ni ujazo mkubwa zaidi. Magari haya hubeba maji ya awali kwa ajili ya huduma ya kwanza ndio maana visima hivyo ni muhimu kuwepo.

Kwa nini tunasema ni maji kwa ajili ya huduma ya kwanza, ni kwa sababu ujazo wa maji yanayobebwa na gari la zimamoto ambao ni kati ya lita 2000 na lita 16000, hutoka kwamsukumo mkubwa, ambao kwa dakika moja maji yatatoka zaidi ya lita 1000 ukiwa unatumia mstari mmoja wa mpira wa maji (hose) na kusababisha maji hayo kuisha kwa muda mfupi.

Ukosefu wa visima hivyo sehemu mbalimbali, unapelekea Jeshi kushindwa kukabiliana na majanga ya moto kwa ufanisi baada ya maji yanayokuwa kwenye gari kuisha na kuwalazimu kwenda eneo la mbali.

Ingawa Jeshi la zimamoto na uokoaji linajitahidi kadri iwezekanavyo kuhakikisha linakabiliana vya kutosha na majanga ya moto kwa kusambaza visima hivi vya maji, lakini marakadhaa limekuwa linakumbana na changamoto mbalimbali hasa miundombinu.

Katika kuhakikisha tatizo hilo linatatuliwa, tayari baadhi ya Mikoa kama vile Dar es Salaam, Mbeya, Kilimanjaro, Arusha na Tanga imejitahidi kuhakikisha miundombinu yake inakidhi kuruhusu ujenzi wa visima vya maji ya kuzimia moto na utaratibu umeandaliwa kuhakikisha mikoa Mingine inaboresha miundombinu yake kwa kuzingatia ujenzi wa huduma hiyo.

Pamoja na changamoto hizo Jeshi la Zimamoto na Uokoaji bado linatekeleza wajibu wake kwa kuwa elimisha wananchi namna ya kutunza miundombinu hiyo na kusambaza mifumo hiyo kwa kiwango kinacho hitajika.

Wito kwa wananchi tuyatunze mabomba hayo (fire hydrant) kutokana na kuwa na umuhimu katika kurahisisha shughuli za kupambana na majanga ya moto, kwani kumekuwa na wimbi kubwa la uuzaji wa vyuma chakavu.

 

IMEANDALIWA NA KITENGO CHA HABARI NA ELIMU KWA UMMA-MAKAO MAKUU YA JESHI LA ZIMAMOTO NA UOKOAJI

Naibu Waziri wa Mambo ya Ndani ya Nchi, Mhandisi Hamad Masauni, akimkabidhi zawadi Kamishna wa Usalama dhidi ya moto wa Jeshi la Zimamoto na Uokoaji, Jesuald Ikonko, kwa niaba ya Kamishna Jenerali wa Jeshi hilo, katika Tamasha la Usalama barabarani lilofanyika katika Viwanja vya Uhuru jijini Dar es Salaam, (Kulia) Rais Mstaafu wa Awamu Pili Ali Hassan Mwinyi, (Wapili Kulia) Naibu Waziri wa Mambo ya Ndani ya Nchi, Mhandisi Hamad Masauni na Kamishna wa Usalama dhidi ya moto wa Jeshi la Zimamoto na Uokoaji, Jesuald Ikonko.

Mkaguzi Msaidizi wa Jeshi la Zimamoto na Uokoaji, Emmanuel Kibona (Katikati) akimpa maelekezo mmoja wa washiriki, ya namba ya dharura ya Jeshi hilo 114 inayotumiwa na wananchi kutoa taarifa pindi wanapopatwa na majanga ya moto, wakati wa Tamasha la Usalama barabarani lilofanyika katika Viwanja vya Uhuru jijini Dar es Salaam.

Timu ya Jeshi la Zimamoto na Uokoaji pamoja na timu ya Jeshi la Polisi, wakiwa tayari kwa mpambano wa uvutaji Kamba katika kusheheresha Tamasha la Usalama barabarani, lililofanyika katika Uwanja wa Uhuru Jijini Dar es Salaam. (Picha na Jeshi la Zimamoto na Uokoaji)

Kamishna Jenerali wa Jeshi la Zimamoto na Uokoaji, Thobias Andengenye, akimvisha cheo Kamishna wa Divisheni ya Operesheni Billy Mwakatage, wakati wa hafla fupi ya kuapishwa iliyofanyika leo Makao Makuu ya Jeshi, jijini Dar es Salaam. Picha na Jeshi la Zimamoto na Uokoaji

Kamishna Jenerali wa Jeshi la Zimamoto na Uokoaji, Thobias Andengenye, akimvisha cheo Kamishna wa Divisheni ya Usalama dhidi ya Moto, Jesuald Ikonko wakati wa hafla fupi ya kuapishwa iliyofanyika leo Makao Makuu ya Jeshi, jijini Dar es Salaam. Picha na Jeshi la Zimamoto na Uokoaji

Kamishna Jenerali wa Jeshi la Zimamoto na Uokoaji, Thobias Andengenye, akimsikiliza Msemaji wa Jeshi hilo Mrakibu Msaidizi Puyo Nzalayaimisi, akitoa utambulisho mfupi wa Makamishna wakati wa hafla fupi ya kuapishwa iliyofanyika leo Makao Makuu ya Jeshi, jijini Dar es Salaam. Picha na Jeshi la Zimamoto na Uokoaji

Kamishna wa Divisheni ya Oparesheni wa Jeshi la Zimamoto na Uokoaji, Billy Mwakatage, akila kiapo cha Utii mbele ya Kamishna Jenerali wa Jeshi la Zimamoto na Uokoaji, Thobias Andengenye, wakati wa hafla fupi ya kuapishwa iliyofanyika leo Makao Makuu ya Jeshi, jijini Dar es Salaam. Picha na Jeshi la Zimamoto na Uokoaji

Kamishna wa Divisheni ya Usalama dhidi ya Moto wa Jeshi la Zimamoto na, Jesuald Ikonko, akila kiapo cha Utii mbele ya Kamishna Jenerali wa Jeshi la Zimamoto na Uokoaji, Thobias Andengenye, wakati wa hafla fupi ya kuapishwa iliyofanyika leo Makao Makuu ya Jeshi, jijini Dar es Salaam. Picha na Jeshi la Zimamoto na Uokoaji

Kamishna Jenerali wa Jeshi la Zimamoto na Uokoaji, Thobias Andengenye (watatu kulia), akiwa katika picha na Kamishna wa Utawala na Fedha, Michael Shija (wapili kulia), Kamishna wa Oparesheni Billy Mwakatage (kushoto) na Kamishna wa Usalama dhidi ya Moto, Jesuald Ikonko (kulia) wakati wa hafla fupi ya kuapishwa iliyofanyika leo Makao Makuu ya Jeshi, jijini Dar es Salaam. Picha na Jeshi la Zimamoto na Uokoaji

Leave a comment  1

Kamishna Jenerali wa Jeshi la Zimamoto na Uokoaji na Uokoaji, Thobias Andengenye, akizungumza wakati wa Uzinduzi wa Kampeni ya Namba ya Dharura 114, itakayotumiwa na wananchi kutoa Taarifa za majanga ya moto, ajali, mafuriko, tetemeko la ardhi na majanga mengine. Wengine ni Katibu Mtendaji wa Taasisi isiyo ya Kiserikali inayojishughulisha na kuzuia Uhalifu, ajali (UAC), Elliot Andrew na Naibu Kamishna Rasilimali Watu wa Jeshi hilo, Billy Mwakatage (kulia). Uzinduzi huo umefanyika leo Makao Makuu ya Jeshi, jijini Dar es Salaam. Picha na Jeshi la Zimamoto na Uokoaji

Kamishna Jenerali wa Jeshi la Zimamoto na Uokoaji na Uokoaji, Thobias Andengenye, akikabidhiwa kipeperushi na Katibu Mtendaji wa Taasisi isiyo ya Kiserikali inayojishughulisha na kuzuia Uhalifu, ajali (UAC), Elliot Andrew(kushoto), wakati wa Uzinduzi wa Kampeni ya Namba ya Dharura 114, itakayotumiwa na wananchi kutoa Taarifa za majanga ya moto, ajali, mafuriko, tetemeko la ardhi na majanga mengine. Kulia ni Naibu Kamishna Rasilimali Watu wa Jeshi hilo, Billy Mwakatage. Uzinduzi huo umefanyika leo Makao Makuu ya Jeshi, jijini Dar es Salaam. Picha na Jeshi la Zimamoto na Uokoaji

Kamishna Jenerali wa Jeshi la Zimamoto na Uokoaji na Uokoaji, Thobias Andengenye, akionyesha kipeperushi   wakati wa Uzinduzi wa Kampeni ya Namba ya Dharura 114, itakayotumiwa na wananchi kutoa Taarifa za majanga ya moto, ajali, mafuriko, tetemeko la ardhi na majanga mengine. Wengine ni Katibu Mtendaji wa Taasisi isiyo ya Kiserikali inayojishughulisha na kuzuia Uhalifu, ajali (UAC), Elliot Andrew na Naibu Kamishna Rasilimali Watu wa Jeshi  wa jeshi hilo, Billy Mwakatage(kulia).Uzinduzi huo umefanyika leo Makao Makuu ya Jeshi,jijini Dar es Salaam.Picha na Jeshi la Zimamoto na Uokoaji

Kamishna Jenerali wa Jeshi la Zimamoto na Uokoaji na Uokoaji, Thobias Andengenye, akionyesha mfano wa uwekaji stika yenye Namba ya Dharura 114, itakayobandikwa kwenye vyombo vya usafiri na maeneo mengine kwa ajili ya  kutumiwa  na wananchi kutoa Taarifa za majanga ya moto, ajali, mafuriko, tetemeko la ardhi na majanga mengine. Uzinduzi huo umefanyika leo, Makao Makuu ya Jeshi, jijini Dar es Salaam. Picha na Jeshi la Zimamoto na Uokoaji

Maafisa wa Jeshi waliohudhuria Uzinduzi wa Kampeni ya Namba ya Dharura 114, itakayotumiwa na wananchi kutoa Taarifa za majanga ya moto, ajali, mafuriko, tetemeko la ardhi na majanga mengine, wakimsikiliza Kamishna Jenerali wa Jeshi la Zimamoto na Uokoaji na Uokoaji, Thobias Andengenye (hayupo pichani) wakati wa Mkutano na Waandishi wa Vyombo vya Habari. Uzinduzi huo umefanyika leo, Makao Makuu ya Jeshi hilo, jijini Dar es Salaam. Picha na Jeshi la Zimamoto na Uokoaji

Kamishna Jenerali wa Jeshi la Zimamoto na Uokoaji na Uokoaji, Thobias Andengenye (watano kulia), akiwa katika picha ya pamoja na Maafisa Waandamizi wa Jeshi hilo, Viongozi na Wadau walioshirikiana na Jeshi hilo kuwezesha  Uzinduzi wa Kampeni ya Namba ya Dharura 114, itakayotumiwa na wananchi kutoa Taarifa za majanga ya moto, ajali, mafuriko, tetemeko la ardhi na majanga mengine. Uzinduzi huo umefanyika leo, Makao Makuu ya Jeshi, jijini Dar es Salaam.Picha na Jeshi la Zimamoto na Uokoaji

Leave a comment  1

Kamishna Jenerali wa Jeshi la Zimamoto na Uokoaji, Thobias Andengenye (Katikati), akizungumza na Wadau wa Vifaa vya Usalama dhidi ya majanga ya moto (TAFEDA), walipokutana na kufanya kikao katika ukumbi wa Mikutano Makao Makuu ya Jeshi hilo, leo jijini Dar es Salaam.

 

 

Mwenyekiti wa Wadau wa Vifaa vya Usalama dhidi ya majanga ya moto (TAFEDA), Mohamed Kaumbwa akitoa utambulisho wa wajumbe aliombatana nao, walipokutana na kufanya kikao katika ukumbi wa Mikutano Makao Makuu ya Jeshi la Zimamoto na Uokoaji, leo jijini Dar es Salaam.
Kamishna Jenerali wa Jeshi la Zimamoto na Uokoaji Thobias Andengenye, akiwa kwenye picha ya pamoja na Wadau wa Vifaa vya Usalama dhidi ya majanga ya moto, leo jijini Dar es Salaam. (Picha na Jeshi la Zimamoto Na Uokoaji)

 

Waziri wa Mambo ya Ndani ya Nchi Mhe. Mwigulu Nchemba aliyevaa suti nyeusi akisalimiana na Kamishna Jenerali wa Jeshi la Zimamoto na Uokoaji watatu kulia baada ya kuwasili katika uwanja wa ndege Mjini Dodoma, kwa ajili ya kufungua Kikao cha Makamanda wa Jeshi hilo mapema leo asubuhi.(Picha na Jeshi la Zimamoto na Uokoaji)

Waziri wa Mambo ya Ndani ya Nchi Mhe. Mwigulu Nchemba akiangalia kikundi cha ngoma mara baada ya kuwasili uwanjani hapo mapema leo asubuhi. (Picha na Jeshi la Zimamoto na Uokoaji)

Waziri wa Mambo ya Ndani ya Nchi Mhe. Mwigulu Nchemba akiwa na Kamishna Jenerali wa Jeshi la Zimamoto na Uokoaji Thobias Andengenye wapili toka kulia, Kamishna wa Utawala na Fedha Michael Shija na Kamishna wa Utawala na Rasilimali watu Billy Mwakatage wakiimba wimbo wa Taifa mara baada ya kuingia kwenye ukumbi wa Mikutano wa LAPF kinapofanyika Kikao cha Makamanda wa Jeshi la Zimamoto na Uokoaji mapema leo asubuhi. (Picha na Jeshi la Zimamoto na Uokoaji.

Kamishna Jenerali wa Jeshi la Zimamoto na Uokoaji Thobias Andengenye akisoma hotuba ya kumkaribisha Mgeni rasmi Waziri wa Mambo ya Ndani ya Nchi Mhe. Mwigulu Nchemba katika Kikao cha Makamanda wa Jeshi la Zimamoto na Uokoaji mapema leo asubuhi. (Picha na Jeshi la Zimamoto na Uokoaji)

Waziri wa Mambo ya Ndani ya Nchi Mhe. Mwigulu Nchemba akisoma hotuba ya ufunguzi wa Kikao cha Makamanda wa Jeshi la Zimamoto na Uokoaji mapema leo asubuhi. (Picha na Jeshi la Zimamoto na Uokoaji)

Sehemu ya Makamanda wa Mikoa wa Jeshi la Zimamoto na Uokoaji wakisikiliza hotuba ya Mgeni rasmi mapema leo asubuhi. (Picha na Jeshi la Zimamoto na Uokoaji)

Waziri wa Mambo ya Ndani ya Nchi Mhe. Mwigulu Nchemba akiwa katika picha ya pamoja na Kamishna Jenerali Thobias Andengenye, Makamishna Waandamizi wa Jeshi la Zimamoto na Uokoaji na Kamati ya Ulinzi na Usalama Mkoa wa Dodoma (Picha na Jeshi la Zimamoto na Uokoaji)

 

Leave a comment  1